زوجة ترفع دعوى خلع ضد زوجها: ” أتجوز عليا بعد ما شفط كرشه وزرع شعره “

0 تعليق 0 ارسل لصديق نسخة للطباعة تبليغ

رفعت زوجة مصرية دعوى ” خلع ” ضد زوجها، لاستحالة العشرة بينهما، بعدما تعرضت للغش والخداع.

أوضحت الزوجة في دعواها: ” جوزي بيعرف حد تاني والاهتمام ده مش عادي.. بدأت أتابعه وأفهم لكن معرفتش مين لحد ما اتفاجئت بواحدة زميلتنا بتقولي الحقي جوزك مصاحب فلانة اكتشفت إنها واحدة ست أرملة وعندها ولدين من دور أحفادي أصغر منه بـ25 سنة وبالفعل اتجوزها.. وقتها اتصدمت اللي هو ازاي وليه ولما واجهته قلب عليا الترابيزة عشان أنا مقصرة في حقه واتخانقنا وسيبت البيت لكن رافض يطلقني إلى الآن “.

وتابعت الزوجة، قائلة:” أصر زوجي على إجراء عملية تكميم معدة وشد للكرش رغم عشقة للأكل والحلويات لدرجة كنت بخاف على صحته وبعدها اتفاجئت إنه عمل زرع شعر عشان يبقى شكله أصغر وكل ده بحجة إنه بيعوض عمره اللي فات في الشغل وفجأة بقى يهتم أكتر من أي وقت بلبسه وشكله وحركاته”.

زواج تقليدي بين الزوجين، تروي ” محاسن ” لـ ” هن ” : ” كنا ولاد عم واتخطبنا على طول وأنا في ثانية جامعة وبعد ما خلصت اتجوزنا وعشت معاه بما يرضي الله وخلفت ولادي الأربعة وشقيت وكافحت معاه إيدي بإيده عمري ما جيت عليه ولا قصرت معاه وطول الوقت كان هو أناني وشايف نفسه بس وكنت بستحمل وأداري عشان ولادي يشوفوا أبوهم راجل محترم “.

عودة من الغربة والاستقرار في مصر كانت سر التغير، تضيف: ” بعد ما خرج على المعاش رجعنا مصر عشان نستقر مع ولادنا وأحفادنا بعد أكتر من 30 سنة في الكويت وقابلت ده مرحبة رغم إن كان لسه قدامي شوية على ما أخلص عقدي بس قطعته وتنازلت عن شغلي ومستحقاتي عشان أرجع معاه لولادي والعيلة تتلم “.

 وأشارت: ” بقى يقعد طول اليوم في النادي وأنا في البيت ولما حاولت أتغير وأقعد معاه في النادي اكتشفت إن أغلب صدقاته ستات ومع ذلك تقبلت ده ووافقت عشان المفروض جوزي راجل محترم.. ده جد مش هخاف عليه من بنت صغيرة “.

إقرأ الخبر من المصدر صحيفة صدى

أخبار ذات صلة

0 تعليق