كدة… كدة… يا كردنة..بقلم صلاح ادريس

0 تعليق 0 ارسل لصديق نسخة للطباعة تبليغ

اخبار العصر كدة… كدة… يا كردنة..بقلم صلاح ادريس ننشر لكم في موقع اخبار العصر جديد الاخبار واهمها كدة… كدة… يا كردنة..بقلم صلاح ادريس، وهذا الخبر منقول من السودان اليوم المنشور اليوم بعنوان كدة… كدة… يا كردنة..بقلم صلاح ادريس.
تابع تفاصيل جميع الاخبار في انحاء الوطن العربي، انت تقرأ الان تفاصيل كدة… كدة… يا كردنة..بقلم صلاح ادريس.

السودان اليوم :
اول حاجة بوغبا ده كان في براعم الهلال ٢٠٠٧ ولا لعب في اهلي شندي ذاتو .. لا لعب ولا أتمرن في اهلي شندي ده لاعبنا ٢٠٠٧ .. اللاعب ده هو الاصر وهو الاتصل قال داير يجي الهلال وهو بحب الهلال وسماه ابوه لمن ولدو سماه والي الدين تيمنا بوالي الدين الله يرحمه لاعبنا … والاسرة كلها هلالابي وعشان لو في واحد قال عندو فضل علية غير الهلال يبقي كاذب … انا قبل ما اسافر لندن أتكلم معاي نائب الرئيس سعد العمدة وأخونا عصام كرار وقالوا اي ياخي عايزين نطلب لاعب من اهلي شندي وكده كده كده قلت ليهم انا متأكد انه رئيس وراعي اهلي شندي مت حيديكم وما تحرجو الهلال ساي انتو القرار عندكم ودي الديمقراطية ألفي الهلال وانا البقولو ديكتاتور كان ممكن أقول لا والموضوع يوقف في زول بعدي يقول كلام فحصل ما حصل والحمد لله كشفوا نوايا صلاح ادريس تجاه الهلال بقول اهلي شندي أحسن من الهلال وأفضل من الهلال طبعا انا بقول ليهو يا السيد صلاح احمد ادريس نحن بنحترم ناس شندي وأرابيب شندي الأصليين وأسر شندي الكبار وكلهم بتربطنا بيهم علاقات حميمة ورائعه ونحن بنكن ليهم كل تقدير لكن اهلي شندي ده اذا شلتو قعدتو معاك في جدة في فليتك دي الخمسة سنة القعدتها والخمسة سنة التانية الحتقعدها تمرنهم وتجيب ليهم مدربهم ما حيكون افضل من الهلال وإذا هم افضل من الهلال انت جايي تبقي رئيس الهلال ليه ما تخليك في شندي . انا بفتكر انو كلمات طلعت جارحة في حق الشعب الهلالي فيها عدم احترام للشعب الهلالي فيها عدم احترام لرئيس الهلال ومجلسه وجماهيرو لكن نحن اصلا متعودين من السيد صلاح احمد ادريس كل شيء سيئ سواء كأن في الهلال وادارته وهروبو … سواء ان كان عداءو السافر لكل رؤوسا الهلال الجو قبلي … فنبارك الكأس لأهلي شندي والكاس ده انت ما شلتو بهزيمة وشلتو بضربات جزاء رغم انو توجيهاتي ودي الديمقراطية في الهلال اسمعوا الكلام ده يا جماعة رغم لمن رفعوا لي الامر نائب الرئيس والمجلس وقالو لي نحن دايرين نلعب كاس السودان قلت ليهم هذا الكاس انتو شلتو اعظم كاس هذا الكاس للناس الـ …. خلو الناس تفرح معاكم والكاس ده أساسا ما حيفيدنا بي حاجة … اولادنا تعبانين … منهكين .. خلونا نفضي لتسجيلاتنا فقالو لي يا ريس نحن بنشيل الكأس ده وكده فقلت للسيد نائب الرئيس اجتمعوا كمجلس وقرروا انا خلوني بره الشغلة دي وانا أصلي بره … فكان قرارهم كدة … علي العموم بوقا ولا بويا … عندنا في الهلال زيو تلاتين وأعظم منو لكن رغبة اللاعب والابن بوبا انو يجي الهلال وسموه علي والي الدين أنحن استجبنا ليها من هذا المنوال … آ آ آ انا شخصيا كرئيس نادي الهلال ما كنت حريص لأني يعتبر انو اللاعبين العندي افضل منو .. لكن الواحد حزن حزن شديد لركاكة الكلمات … للعدائية تجاه شعب الهلال والمعهودة من السيد صلاح احمد ادريس او رؤساؤه انا شخصيا قاعد أقول كلمة طوالي عن السيد صلاح ادريس .. قاعد أقول زي ما بقولو المصريين … العيب لمن يجي من أهل العيب بكون ما عيب ده باختصار مع مباركتنا لأهلي شندي بهذا الكاس أهل شندي الكرام .. دار جعل وكل القبائل هناك
هذه كلمات كردنة في لقائه الاستثنائي والأسطوري الذي نقلته قناة الهلال قبل ايام ولقد حرصت علي النقل بأمانة فائقة المهنية لا لسبب غير ان الصدق مرتقي والمهنية مبتغى وسيكون هذا الحديث الذي نقلته موضوع قضية جنائية ارفعها اول ساعه تفتح فيها الدوائر يوم الأحد القادم وهذا بيان للكاردينال وفريقه العامل معه ليتمعنوا ويسمعوا ويقروا ويعيدوا القراءة والاستماع فالقضية ستكون طويلة … ارجعوا لملف البراعم وآتونا بصورة للابن والي الدين .. وقبل ذلك ارجعوا للقاء معي … ولا … بلاش فهذه مفاجأتي لكردنة

شكرا لمتابعينا الكرام فقد تابعتم خبر كدة… كدة… يا كردنة..بقلم صلاح ادريس , تم نقله وجلبه من موقع السودان اليوم, وبالتالي فإن هذا الخبر يعتبر منقول من مصدره ولا يتحمل موقع أخبار العصر أي مسئولية عن كدة… كدة… يا كردنة..بقلم صلاح ادريس وإنما تقع المسئولية على مسئولي موقع السودان اليوم . ولتصلكم أخر الاخبار تابعونا على مواقع التواصل الاجتماعي اسفل الصفحة.

أخبار ذات صلة

0 تعليق